2/25/2012 05:23:00 pm
Unknown
بیادِ فیض
قلم بدست ہوں حیران ہوں کہ کیا لکھوں
میں تیری بات کہ دنیا کا تذکرہ لکھوں
لکھوں کہ تُو نے محبت کی روشنی لکھی
ترے سخن کو ستاروں کا قافلہ لکھوں
جہاں یزید بہت ہوں، حسینؓ اکیلا ہو
تو کیوں نہ اپنی زمیں کو بھی کربلا لکھوں
ترے بغیر ہے ہر نقش ”نقشِ فریادی“
تو پھول ”دستِ صبا“ پر ہے آبلہ لکھوں
مثالِ ”دستِ تہہِ سنگ“ تھی وفا ان کی
سو کس طرح انہیں یارانِ با صفا لکھوں
حدیثِ کوچہِ قاتل ہے نامہءزنداں
سو اس کو قصہءتعزیرِ ناروا لکھوں
“جگہ جگہ ہیں ”صلیبیں مرے دریچے میں
سو اسمِ عیسیٰ و منصور جا بجا لکھوں
گرفتہ دل ہے بہت ”شامِ شہریاراں“ آج
کہاں ہے تُو کہ تجھے حالِ دلبرا لکھوں
کہاں گیا ہے ”مرے دل مرے مسافر“ تُو
کہ میں تجھے رہ و منزل کا ماجرا لکھوں
“تُو مجھ کو چھوڑ گیا لکھ کے ”نسخہ ہائے وفا
میں کس طرح تجھے اے دوست بے وفا لکھوں
“شہید جسم سلامت اٹھائے جاتے ہیںّْ”
خدا نکردہ کہ میں تیرا مرثیہ لکھوں
(احمد فراز)
( پسِ انداز موسم)
Posted in 
Posts
No Response to "بیادِ فیض"
Post a Comment
اردو میں تبصرہ پوسٹ کرنے کے لیے ذیل کے اردو ایڈیٹر میں تبصرہ لکھ کر اسے تبصروں کے خانے میں کاپی پیسٹ کر دیں۔