10/02/2012 09:02:00 am
Unknown
روگ ایسے بھی غمِ یار سے لگ جاتے ہیں
در سے اُٹھتے ہیں تو دیوار سے لگ جاتے ہیں
عشق آغاز میں ہلکی سی خلش رکھتا ہے
بعد میں سینکڑوں آزار سے لگ جاتے ہیں
پہلے پہلے ہوس اک آدھ دکاں کھولتی ہے
پھر تو بازار کے بازار سے لگ جاتے ہیں
بے بسی بھی کبھی قربت کا سبب بنتی ہے
رو نہ پائیں تو گلے یار سے(1؎ )لگ جاتے ہیں
کترنیں غم کی جو گلیوں میں اڑی پھرتی ہیں
گھر میں لے آؤ تو انبار سے لگ جاتے ہیں
داغ دامن کے ہوں، دل کے ہوں کہ چہرے کے فرازؔ
کچھ نشاں عمر کی رفتار سے لگ جاتے ہیں
1؎ ضرورتِ اظہار
(احمد فراز)
(اے عشق جنوں پیشہ، ص47)
Posted in 
Posts
3 Response to "روگ ایسے بھی غمِ یار سے لگ جاتے ہیں "
برادر آپ کی اس پوسٹ کے حوالے سے ایک مضمون
http://farooqdarwaish.com/blog/?p=814
http://www.farooqdarwaish.com/blog/?p=814
سبحان اللہ!
غزل کا اصل مزہ آ گیا ہے تقطیع کے ساتھ۔
میرے لئے تو دہری خوشی کی بات ہے آپ کو یہ غزل پسند آئی۔
اور آپ کے بلاگ کی زینت بنی۔
Post a Comment
اردو میں تبصرہ پوسٹ کرنے کے لیے ذیل کے اردو ایڈیٹر میں تبصرہ لکھ کر اسے تبصروں کے خانے میں کاپی پیسٹ کر دیں۔