یہ دشتِ ہجر، یہ وحشت، یہ شام کے سائے


غزل

یہ دشتِ ہجر، یہ وحشت، یہ شام کے سائے
خدا یہ وقت تری آنکھ کو نہ دِکھلائے 

اُسی کے نام سے لفظوں میں چانداُترے ہیں
وہ ایک شخص کہ دیکھوں تو آنکھ بھر آئے 

جو کھو چکے ہیں اُنہیں ڈھونڈنا تو ممکن ہے
جو جا چکے ہیں اُنہیں کوئی کس طرح لائے

کلی سے میں نے گلِ تر جسے بنایا تھا
رُتیں بدلتی ہیں کیسے، مجھے ہی سمجھائے 

جو بے چراغ گھروں کو چراغ دیتا ہے
اُسے کہو کہ مِرے شہر کی طرف آئے 

یہ اضطرابِ مسلسل عذاب ہے امجد
مِرا نہیں تو کسی اور ہی کا ہو جائے
(امجد اسلام امجد)

1 Response to "یہ دشتِ ہجر، یہ وحشت، یہ شام کے سائے"

Unknown said... Best Blogger Tips[کمنٹ کا جواب دیں]Best Blogger Templates

zbrdst

Post a Comment

اردو میں تبصرہ پوسٹ کرنے کے لیے ذیل کے اردو ایڈیٹر میں تبصرہ لکھ کر اسے تبصروں کے خانے میں کاپی پیسٹ کر دیں۔


شئیر کیجیے

Ads 468x60px